ആറാം ദിവസം ദൈവം മനുഷ്യനെ സൃഷ്ടിക്കാന്‍ തീരുമാനിച്ചു.കഴിഞ്ഞ ദിവസങ്ങളില്‍ താന്‍ സൃഷ്ടിച്ചഎല്ലാം നല്ലത് എന്ന് കണ്ട സൃഷ്ടികളെ ഒന്നുകൂടി ദൈവം നോക്കി. ആകാശം, ഭൂമി,വെളിച്ചം,സമുദ്രം,വൃക്ഷങ്ങള്‍,നക്ഷത്രങ്ങള്‍,പറവകള്‍,ജന്തുക്കള്‍ അങ്ങനെ താന്‍ സൃഷ്ടിച്ച എല്ലാത്തിനേയും ദൈവം ഒരിക്കല്‍കൂടി നോക്കി.താന്‍ കഴിഞ്ഞ ദിവസങ്ങളില്‍ സൃഷ്ടിച്ച എല്ലാത്തിനും മേല്‍ വാഴുന്നവന്‍ ആയിരിക്കണം മനുഷ്യന്. അതുകൊണ്ട്അവനെ ഉണ്ടാക്കുമ്പോള്‍ കൂടുതല്‍ ശ്രദ്ധിക്കണം.എങ്ങനെയാണ് മനുഷ്യനെ സൃഷ്ടിക്കേണ്ടത് എന്ന് ദൈവംആലോചിച്ചു.
കഴിഞ്ഞദിവസങ്ങളിലെ എല്ലാ സൃഷ്ടികളും ഉണ്ടാകട്ടെ എന്ന് കല്പിച്ച് ഉണ്ടാക്കുകയാ യിരുന്നു. പക്ഷേ മനുഷ്യനെഅങ്ങനെയുണ്ടാക്കി കൂടാ. താന്‍ സൃഷ്ടിച്ചതിനെല്ലാം അധിപതിയായി വാഴേണ്ടവനാണ്.അതുകൊണ്ട് മനുഷ്യനെകണ്ടാല്‍ തന്നെപ്പോലെ ഇരിക്കണം. മറ്റ് സൃഷ്ടികള്‍ക്ക് മനുഷ്യനെ കണ്ടാല്‍ ബഹുമാനവും സ്നേഹവും ഭയവുംഒക്കെ ഉണ്ടാകണം.അവര്‍ക്ക് മനുഷ്യനെകണ്ടാല്‍ തങ്ങളെ സൃഷ്ടിച്ചവന്‍ ആണ് ഇവന്‍ എന്ന് തോന്നണം.അതിന് ഒറ്റവഴിയേ ഉള്ളു. തന്റെ സ്വരൂപത്തില്‍ മനുഷ്യനെ സൃഷ്ടിക്കുക. അങ്ങനെ ദൈവം ചിന്തിച്ച് ഉറപ്പിച്ചു.
എന്തുകൊണ്ടാണ് മനുഷ്യനെ ഉണ്ടാക്കേണ്ടത് ?തടിയില്‍ വേണമെങ്കില്‍ കൊത്തിയുണ്ടാക്കാം. തടികൊണ്ട്ഉണ്ടാക്കികഴിഞ്ഞാല്‍ അവനെ പാകപ്പെടുത്താന്‍ പാടാണ്.അതുമാത്രമല്ല തന്റെ കൈകള്‍ കൊണ്ട് വേണംഅവനെ ഉണ്ടാക്കാന്‍.തന്റെ കൈകളുടെ പാടുകള്‍ അവന്റെ ശരീരത്തില്‍ എല്ലായിടവും ഉണ്ടാകണം.അതിന്പറ്റിയത് മണ്ണാണ്.ദൈവം ഭൂമിയില്‍ നിന്ന് പൊടിയെടുത്തു.പൊടികുഴയ്ക്കാന്‍ തുടങ്ങി.ദൈവത്തിന്റെ മുഖത്ത്നിന്ന് വിയര്‍പ്പുതുള്ളികള്‍ പൊടിയിലേക്ക് വീണു.മണ്ണ് കുഴച്ചു പതം വരുത്തി.എന്നിട്ട് തന്നെപോലെ ഒരുരൂപത്തെ ദൈവം ഉണ്ടാക്കി.താന്‍ ഉണ്ടാക്കിയ രൂപത്തിന്റെ തല,നെറ്റി,കണ്ണ്,ചെവി,കൈകാലുകള്‍ എല്ലാംതന്റെപോലെതന്നെയാണന്ന് ദൈവം ഉറപ്പാക്കി.എങ്ങനെയാണ് താന്‍ ഉണ്ടാക്കിയ ഈ രൂപത്തിന്ജീവന്‍ നല്‍‌കേണ്ടത് ?
ദൈവം കുനിഞ്ഞു താന്‍ ഉണ്ടാക്കിയ രൂപത്തിന്റെ മൂക്കിലേക്ക് ജീവശ്വാസം ഊതി. ദൈവത്തില്‍ നിന്ന് പുറപ്പെട്ട്ജീവശ്വാസം മനുഷ്യന്റെ മൂക്കിലൂടെ കയറി മണ്‍‌ശരീരത്തിന്റെ ഓരോ ഭാഗങ്ങളിലും എത്തി.ജീവശ്വാസം എത്തിയടെത്തെല്ലാം ചലനങ്ങള്‍ ഉണ്ടായി. ജീവശ്വാസം ശരീരത്തില്‍ എല്ലായിടവും വ്യാപിച്ചുകഴിഞ്ഞപ്പോള്‍ മനുഷ്യന്‍പതിയെ കണ്ണുകള്‍ തുറന്നു.അങ്ങനെ മനുഷ്യന് ജീവനുള്ള ദേഹിയായി തീര്‍ന്നു.മനുഷ്യന് കണ്ണ് തുറന്നപ്പോള്‍മുന്നില്‍ ദൈവം!ദൈവം മനുഷ്യനെ കൈപിടിച്ച് ഉയര്‍ത്തി.മനുഷ്യന് ജീവന്‍ നല്‍കിയതിനുശേഷമാണ് അവന്പറ്റിയ താ‍മസസ്ഥലം താന്‍ ഉണ്ടാക്കിയിട്ടില്ലന്ന് ദൈവം ചിന്തിച്ചത്.
ദൈവം കിഴക്ക് ഒരു തോട്ടം ഉണ്ടാക്കി.അതിനെ ഏദന്‍‌തോട്ടം എന്ന് പേരിട്ടു.തോട്ടം നനയ്ക്കാനായി നാലുനദികളും പുറപ്പെടുവിപ്പിച്ചു.തോട്ടത്തിന്റെ നടുവില്‍ ജീവവൃക്ഷവും നന്മതിന്മകളുടെ വൃക്ഷവും മുളപ്പിച്ചു.ദൈവം മനുഷ്യനെ കൂട്ടിക്കൊണ്ടുപോയി ഏദന്‍‌തോട്ടം ഏല്പിച്ചു കൊടുത്തു.നടുവില്‍ നില്‍ക്കുന്ന വൃക്ഷത്തിന്റെ ഫലം മാത്രം നീ തിന്നരുത് ,അത് തിന്നാല്‍ നീ മരിക്കും എന്ന് പറഞ്ഞിട്ട് ദൈവം ഏദന്‍‌തോട്ടത്തില്‍ നിന്ന്പുറത്തേക്ക് ഇറങ്ങി.മനുഷ്യന് ദൈവം തനിക്ക് തന്ന് തോ‍ട്ടത്തില്‍ താമസം ആരംഭിച്ചു.
